Presidenti i BE-së tregon çka bisedoi me Edi Ramën

19:57 | 4 Dhjetor 2017
M. A.

Kryeministri i Shqipërisë Edi Rama gjatë vizitës në Bruksel është takuar me Presidentin e BE-së, Donald Tusk.

Në një postim në rrjetet sociale, Tusk ka bërë të ditur detaje nga takimi.

“Takim i frytshëm me kryeministrin shqiptar përpara Samit të Ballkanit Perëndimor më 17 maj në Sofje të Bullgarisë. Duhet të mbahet vrulli i tanishëm për reformat e sundimit të ligjit për të avancuar në rrugën drejt BE-së”, shkruan Presidenti Tusk.

Për takimin ka bërë një postim edhe Kryeministri Rama. “Në Bruksel me Presidentin e Këshillit Europian, Donald Tusk, i cili vlerësoi ecurinë e reformave kurajoze në Shqipëri si një shembull pozitiv për krejt rajonin”, shkruan Rama./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm